2個月輕鬆瘦10kg!

日本近年有一個近乎不勞而獲嘅懶人減肥法,只係利用市面就可以買到嘅鎮痛貼刺激腳底板嘅穴位同密佈嘅血管,然後於每日夜晚沖完澡,以適度按摩腳底之後貼上鎮痛貼,再直接訓覺到隔日朝早撕除即可以,持續一段時間之後就可以瘦身嘅效果。有日本女仔分享透過尼個方法,成功2個月瘦左10kg!除左運動、飲食控制嘅減肥方法外,近年日本不停咁研究出不可思議嘅懶人減肥法,而最近受日本女仔激推「腳底貼鎮痛貼瘦身法」,做法簡單又方便,仲被日本長谷接骨院嘅院長長谷慎一證實,表示真係有用,想甩肉嘅女仔不妨都試下~長谷慎一除左係接骨院嘅院長,都係日本雜誌「主婦之友」嘅監製,成日分享同破解各種減肥妙招。而「腳底貼鎮痛貼瘦身法」係透過刺激腳底嘅穴道,係貼上鎮痛貼之後,可以刺激腳底,加速血液循環、燃脂,都可以加快新陳代謝。對改善下半身水腫都好有幫助,而且冬天貼仲避免腳部太凍。長谷慎一都曾經係節目上示範,令女仔係腳底貼上鎮痛貼,之後用紅外線偵測,發現體溫真係升高,可改善身體嘅循環同時燃脂~貼法非常簡單,每晚沖完澡之後,先輕輕按摩腳部,然後將鎮痛貼貼係「腳趾根部同腳底板中央處」,就可促進脂肪代謝,加速腸胃消化,隔日一早起床之後再撕掉就可以啦!食指、中指、無名指嘅下方腳趾根部嘅穴道:尼個係甲狀腺反射區,可以促進代謝嘅荷爾蒙,刺激佢可以燃燒脂肪。腳底正中央嘅穴道:尼個區域係腎臟同腸胃嘅反射區,貼係尼到可以促進腸胃蠕動,提高水分代謝,去水腫,都可以改善便秘、腹瀉。「腳底貼鎮痛貼瘦身法」就同中醫用三伏貼治療過敏相似,利用藥材辛香通竅嘅特性,敷貼於皮膚同特定穴位上,令藥物嘅有效分子滲透入表皮,經皮吸收,達到刺激穴位、經絡活血嘅養生作用~

Ckayi

如有任何問題, 請給我們發送訊息