因為見到好多朋友都開始做機減肥，如果你5年前問我，我淨係識得冷凍溶脂。但呢幾年其實多咗好多新科技，例如增肌減脂，隔空溶脂等等。我自己好多朋友喺尋找減肥療程時候都差啲中伏， 所以我自己揀嘅時候都係傾向選擇比較具備規模，有一定知名度與及歷史嘅公司。我會詳細分享SWISS REJU試做過程，價錢，優點同埋缺點扣分位！有啲位真係令我始料不及！另外我亦都會講解下我之前另外一間黑店做機減肥嘅一啲不愉快嘅hard sell經歷。大家就一齊嚟同我睇下熱光溶脂好唔好！ 

喺我分享試做過程之前，我就會講下我對呢間公司嘅印象。SWISS REJU係位於中環，好多明星名人都有分享過！我自己都睇過佢之前同MIRROR合作嘅MV，今年又同男神Dickson余德丞合作廣告！不過佢有個特點，就係同其他同grade品牌不同，冇得免費試做，亦都冇得講價，而且所有價錢係公開。

之前我自己都去過另一間大牌子脫毛免費試做，但係就真係hard sell到爆！雖然當時係激光脫毛，並唔係做機減肥纖體，但已經令我對標榜免費試做，或者價錢好平嘅公司有戒心。冇得免費試做都有佢嘅好處，唔需要因為擔心係免費就hea做或者hard sell，畀啲顧問搞到精神分裂！（香港係極多美容黑店，相信大家都有共鳴）。雖然今次係試做，都可以畀你體驗完整減肥纖體療程係點樣。覺得啱先再買，我覺得咁樣係安全好多。 

由於我之前都有朋友join過熱光溶脂，做咗幾次都明顯見到係有瘦咗，同埋我自己都上網做過research，所以一早已經了解咗大約療程價錢，都叫做心裏有數。我最後試完之後決定購買嘅價錢，同朋友100%一模一樣，即係話價錢本身係實價，唔係海鮮價，唔會因人而異。 

面對美容健身行業銷售，十幾歲開始到而家，我都算係有好多經驗。可以話到俾大家聽，我自己都係由早期勁緊張唔知點樣reject，到而家已經可以話經驗豐富，對於不合理要求識得如何立即拒絕。 我都勸大家一定要好似我咁，面對美容院低價優惠或者著數，都能夠保持冷靜，諗清楚先行動！

熱光溶脂試做過程 

由於我知道熱光溶脂其實係綜合式療程，係包括咗激光，射頻，超聲波，電磁波同埋微波，先至係完整正版組合。正版療程其實係可以選擇多部機器，唔係淨係得一部機！所以我自己都準備咗一兩部機我想試，上到去話畀治療師知！

我有問佢，我想試做第二代增肌減脂機器，佢直接了當話佢哋都有呢部機可以做，但係建議我療程後期下幾次先進行，減肥纖體效果先至會最好。有大肚腩即刻做呢一部機反而可能效果冇咁好，平時運動量不足會比較痛同埋係嘥錢！所以佢建議我先揀第二部機去試。

之前都見過其他公司啲顧問為左開單，就乜嘢都話yes，但呢度就真係會先分析體質，再建議你做邊個機先，之後再做邊個。唔會因為客人問一句就影響判斷，咁呢一點我係幾欣賞。

做機減肥過程其實都舒服，亦都完全冇痛楚感覺， 新一代激光科技比起以前有進步！我十幾歲時候去美容院做減肥用嗰啲機，真係好痛！同而家呢啲真係完全唔同。

治療師幫我選擇最適合我嘅纖體機器，係混合式激光同超聲波，可能真係揀得啱，見到療程前後係有分別，個肚係細咗少少，同埋冇咁硬實。呢一點係ok有效果嘅。

但係我都要講下扣分位。SWISS REJU有啲位真係比較輸蝕，佢事實上真係唔hard sell，所有價錢已經公開，但價錢已經係實價冇海鮮價，冇話可以臨場減價，不過係按自己需要買幾多或者買少幾次。由於價格係公開透明，冇出面嗰啲開天殺價落地還錢大龍鳳大贈送。你都知出面有啲地方係真係有得講價。不過我自己已經試咗。同朋友經驗一樣係一模一樣，SWISS REJU價錢係公開但係冇得再講價，不過有送多啲健康減肥產品。你問我梗係有得減好過冇得減啦，哈哈！

熱光溶脂同其他纖體療程有咩分別 

比較鍾意新一代嘅纖體公司例如SWISS REJU個原因，係因為銷售手法比較容易接受。其實上得去任何美容纖體中心都預咗會sell， 反而係個職員態度同手法究竟係令人容易接受定係難以接受。同埋最重要就係價錢是否合理，減肥機有冇效果。我一直都相信呢啲嘢根本逼唔到，如果本身唔適合，無論點樣迫其實都唔會買。 做機減肥有效，價錢合理，唔hard sell，呢啲係我嘅底線，so far呢間幾方面都叫做達標。 

其實去試做SWISS REJU之前，我之前亦都去過第二間標榜低價錢嘅做機減肥，試埋另外一部微波溶脂。個人經驗只可以講係一分錢一分貨。 另外一間標榜平，但上去勁hard sell我，不停話係咁推介我去試做豐胸，我都O曬嘴兼且黑面！仲要呢間黑店我上嚟其實係想去做減肥機，唔係要豐胸！白卡銷售手法令人無言不特止，仲要個環境污糟，呢類型黑店嘅經營手法，真係同正版SWISS REJU好大分別。 始終元祖正版係中環一線位置， 淨係唔hard sell，多靚嘅機器選擇，呢2樣嘢已經值得選擇正版。呢樣嘢亦都係點解我最後有去join正版嘅原因。

間間美容院都話自己唔hard sell，除咗上網睇下人哋經驗之外，應該點樣去分辨呢？教大家一個方法，可以好快分辨到邊啲係高質素，邊啲係低質素黑店。

其實如果係黑店，又或者使用極低水準機器嘅公司，最驚上東張西望！ 好多黑店都唔歡迎記者採訪，亦都唔希望畀媒體監察。只有經營手法正常嘅公司先至會歡迎媒體採訪。 如果經過媒體實質測試之後，都仍然獲得好評獎項嘉許，就代表多數都係正常正當。SWISS REJU最近就獲得大型國際傳媒機構Cosmopolitan派專人實測，並獲頒Best of the Best大獎，同我自己個人經驗都係符合，因此我都覺得應該都係正常。 So far我自己做咗6次熱光溶脂，都真係有啲嘢睇，見到好明顯脂肪層係纖薄咗好多，熱光溶脂效果可以話係合格，我會畀中上評。