染完即刻白兩度!

轉眼又到左新嘅一年啦!女仔們諗好左要換咩髮色未?今日為大家整理左6款今年秋冬必備嘅超顯白髮色~唔單止超靚而且完全唔挑皮膚,一旦換上尼啲髮色隨時比韓妹仲要白!宜家就參考一下下面幾款大熱顯白秋冬髮色,為新年嘅新髮色揾靈感啦!# 黑茶色黑茶色比起自然黑更具光澤感,同時又比常見嘅棕色要深得多,偏冷嘅色調係顯白嘅不二之選!而且溫柔嘅黑茶色係光線照射下層次會比黑色同棕色豐富,望起嚟都更高級!最重要嘅是,黑茶色完全唔挑皮膚~黑肉底嘅女仔都可以輕鬆駕馭喔!# 橄欖霧棕個性滿分嘅橄欖霧棕真係靚爆!係深棕色之中帶有一絲神秘嘅綠色,既冷酷又極具個性,顯白之餘仲可以為你帶來時尚感!尼種超帥嘅髮色非常適合鍾情於深髮色但抗拒單調嘅女仔~唯一缺點係尼種橄欖棕需要漂染先可以達到最完美嘅效果!# 氣質冷棕講到每逢秋冬都人氣爆燈嘅髮色,點會少得氣質冷棕色呢?低調輕柔而極具層次嘅髮色,無論搭配係短髮定係長髮,都可以令你女人味倍增!重點係冷棕色同秋冬必備嘅毛衣係絕配嘅組合,只要染上氣質冷棕,你就可以唔費絲毫力氣獲得滿分嘅時尚感!# 霧面鐵灰透明感十足嘅鐵灰髮絕對係秋冬必備嘅髮色,既帶有空靈嘅感覺,都唔至於太過高調,霧面質感更係非常適合秋冬純淨嘅氛圍!# 暖紅棕色氣質高雅嘅暖紅棕色自帶好氣色,完美調和左棕色同暖色調,俾女仔們展現紅潤好氣色同時超顯白!甜美又討喜嘅髮色令妳係尼個秋冬成為閃閃發亮嘅焦點!

Ckayi

如有任何問題, 請給我們發送訊息