穴位埋線分享#1(附18日後效果圖)

第一次埋線去之前都唔緊張,始終我都有針灸過俾針吉過 應該可以接受到既去到佢有好多資料我睇 咩第一代第二代又咩國家既線,窮撚般的我邊有得簡 當然就選擇最平試左2次先 不過個職員都好好佢會問我但我話唔洗就唔會繼續問落去 頭先先話唔緊張點知一上床就驚到癲 佢有兩個波波俾我揸係手,未針已經揸到實一實 幾個人係床邊抹血噴膠布入針遞針 好似服侍好好但我覺得好尷尬俾甘多人望住有個姑娘好好 每針一下都會提我「開始啦」「而家針xx」「放鬆啲抖氣」「仲有x針啦忍多陣」 成個過程我都覺得唔錯,每次針左幾下就係甘讚我叻我都唔記得有幾多針 但手、背脊、大小腿前後、腳趾間都有針 但因為第一次針醫師怕我唔習慣行唔到所以腳係唔會落太多 全身最痛係肚,其他地方我都接受到因爲一下好快 其次係背脊因為真係好敏感針完之後送咗10分鐘嘅拔罐俾我 跟住落床果下先攞命,貼地個下又扯又痛,自己著翻衫褲鞋襪真係有啲難道 彎得太低肚又痛,提起隻腳同手又扯住扯住,推門都有啲難道 走前佢又問我洗唔洗加一隻山竹果丸食我係消炎排水腫 不過因為我係第一次買線我想睇下個效果先就無配 之後一樣我話唔使就唔會再問,平時人多嘅地方我會有咁快行咁快 但係呢次行到車站我真係唔知行咗幾耐 真係行得慢過烏龜過馬路真係用盡全力行快,果下真係想快啲返屋企,我諗大家都知旺角行過去火車站條天橋係幾多問卷友 呢次我行到慢一慢又低頭樣又痛苦 真係第一次無人夠膽行埋黎 跟住真係好好彩有位坐 但到站起身個係又係攞命,之後又要搭車返屋企上車同落車果下梯級真係痴線 跟住其實針完都冇話唔舒服 只不過始終有條心係入邊難然行路係會扯下扯下 今次就講咁多先下次先繼續講等我喲

Mmm13000

穴位埋線減肥#1--後記(附33日後效果圖)

穴位埋線減肥#1--後記 . 首先好多人問我係去邊一間,「係咪去而家ig都多人講x字頭個間?」甘就唔係既,個人覺得佢每一次既價格實在有啲貴,而我呢次去既係一間美容院甘但係由中醫師落針既大家可以放心😉(詳細地址我就唔喺度講啦)價錢就係首次優惠$1980/1次,$3980/2(第一次睇我仲以為計錯數但對方答我冇計錯咁就算啦🤷🏻‍♀️)咁全身係冇計針數既,佢都有局部選擇。另外佢會問加唔加中藥線會瘦多啲,一包大概百零蚊,第一次就淨係會加一包,我有加到 . 衣著方面: 👉🏻第一次針我係建議著鬆身衫/連身裙針完方便著,因為針完係會有啲彎唔到身,但如果你係同我一樣大腿內側有肉會磨的話,就著鬆身既褲(盡量著低褲唔好束住個肚)或者係連身裙入邊加條短褲(防止大腿肉磨會痛😩) 👉🏻容易穿著既輕便鞋,同埋因為岩岩針完係會有啲彎唔到身,所以最好選擇一著就行得既鞋,不過唔好人字拖(因為會有一針係第1.2隻腳趾間所以著人字拖會有壓住) . 針後感覺如何: 👉🏻第一日針完要隔9個鐘後先沖得涼,沖涼既時候唔用水直接沖住耐基本上無咩問題,但因為仲痛緊所以洗身都要小心啲。 👉🏻頭幾日係會行路慢啲,有時腳會有扯住址住因爲入面有條線麻,所以最好搵假期做再俾啲時間身自己休息 👉🏻同埋訓教平訓背脊都有啲痛,轉身都要就住就住,不過到第3日就可以自然甘轉身 . 飲食方面: 👉🏻係會有張餐單俾你推薦你食咩同唔食得啲咩,牛肉同海鮮會令傷口發炎既一律要介口(詳細唔講啦因爲都幾多),所以頭星期最好唔好約人食放題啦😂 ☝🏻最後由於針完係會有個傷口,你處理唔到佢係真係會有疤,所以呢段時間最好唔好俾傷口曬到太陽同埋唔好食有豉油既野,甘就唔會令傷口變深色。 . 效果?要針幾多次? 👉🏻醫師就話身體冇乜問題其實隔兩個禮拜就可以再針,因為下次就未必針返同一個位 👉🏻另外話如果想效果好啲就可以配合佢哋嘅針灸同焗倉,不過成9百幾一次我就無加 👉🏻效果真係答唔到住,但羊腸線就可以keep1-3個月就會被人體吸收 . .🙏🏻🙏🏻最後睇完真係俾返個like支持下我,我好俾心機寫架😣🙏🏻🙏🏻

Mmm13000

如有任何問題, 請給我們發送訊息