頭髮護理

1. 洗髮點洗頭髮先夠乾淨又唔怕乾?有無發現去髮型屋洗頭後,啲頭髮總係特別清爽柔順?當然,髮型師嘅吹髮技巧應記一功,但重點係髮型屋嘅洗髮程序唔馬虎,同自己喺屋企扭開花曬淋幾淋,落洗頭水捽幾捽,再沖沖水就完事,其清潔效果實在相差太遠了!洗髮嘅目的係要開啟、洗凈髮絲表面的毛鱗片,如果只係好快手咁洗幾下,可能只係洗到髮絲而無洗到頭皮。提高洗淨效果嘅正確方法:開始洗頭髮之前,先用手指頭或梳子將頭髮充分咁梳開,目的係去除脫落嘅毛髮,同埋令角質浮現出來;然後以溫水清洗一次,要將頭皮及頭髮的每一個部位都清洗到,好多時洗頭水唔起泡,係因為頭髮唔夠濕,如果以為唔起泡而猛加洗頭水,就會過度刺激頭皮同髮根,令頭髮越來越乾躁。2. 潤髮護髮素到底只可搽髮尾,定係頭皮都要搽?坊間流傳護髮素只可以搽喺髮尾,係怕會令頭髮好快出油。實際係要視乎髮質同產品類型。免沖洗護髮素因為係直接留喺髮絲表面,所以只適宜從中間部分搽到髮尾;而一般的沖洗式護髮素,最好係從頭皮抹到髮尾,並且加上輕柔按摩,俾時間頭髮吸收,因為要從生長頭髮的髮根開始滋潤起,效果較好,但使用之後必須要徹底清洗,否則護髮素嘅殘餘物好容易阻塞毛囊,造成頭瘡及頭皮發炎等問題。3.有咩方法梳頭髮唔怕打結同靜電?冬天最易出現呢個問題,可以預備一支注滿清水嘅噴霧,加入幾滴嬰兒油或純橄欖油,梳頭髮時將水噴濕全髮,再細心地梳理,感覺會更加順暢。要防靜電的話,就要選擇木質梳子或防靜電專用梳子,塑膠質料會因為同頭髮摩擦而產生靜電。4. 吹髮點吹頭髮先會順滑,唔旱同起晒毛毛?「保持距離」係關鍵,吹頭髮嘅時候要注意風筒同頭髮嘅距離,最理想係大概15-20cm左右,風筒唔可以對住頭髮直吹,亦唔可以定喺一個位置吹好耐,否則頭髮就會變得好乾好蓬鬆。正確方法係風口要向下順住吹,而且要邊吹邊搖擺風筒,咁樣隻手係會攰啲,但就無咁傷頭髮5. 防曬猛烈陽光會傷害肌膚,也會傷害頭髮嗎?當然啊!喺烈日下暴曬,頭皮下嘅膠原蛋白質會斷裂,影響髮根承托力。如果有必要喺烈日下活動,可以喺頭髮上塗抹具有抵擋紫外線嘅免洗護髮素,或者戴頂帽保護頭皮。

yyyan

必試3款秋冬日系時尚髮型

唔知你哋剪頭髮💇嘅時候通常係係邊到揾靈感,其實好多時尚女仔都中意睇日本雜誌仿傚日本女仔嘅髮型,希望可以俾完美嘅髮型撐起顏值~嚟到秋冬,不妨參考下日本女仔最近流行嘅髮型,為自己換上一個時尚造型,俾人煥然一新嘅感覺啦!☝️外彎空氣瀏海髮型好多女仔都認為外彎同空氣瀏海係好難駕馭嘅髮型,但其實重點係在於厚度同髮質。想髮尾外彎得好睇,頭髮就要俾人重量感,髮尾要厚一啲而且不開叉亂翹,先可以做到漂亮順滑嘅層次效果,而空氣瀏海亦同樣要帶少少厚度,唔可以過薄,之後再用捲髮器整到內捲就已經好好睇!✌️隨性短瀏海髮型 厭世短髮造型依舊係日本造型嘅大熱,好多日本雜誌都中意整尼款帶少少凌亂美嘅髮型,用捲髮棒將頭髮隨意嘅捲成大曲,然後拉鬆髮尾,營造時尚感,瀏海就一定要高於眉毛位置先可以展現出獨特個性!凌亂嘅髮尾加上獨特嘅眉上瀏海!🤟內捲中分髮型要做到層次感,側邊兩邊嘅頭髮可以剪得較長,再用直髮夾將兩旁頭髮拉直,之後將髮尾夾到內彎再收尾~如果你係走成熟路線就唔洗留瀏海,可以大膽嘗試中分,不過頭頂嘅分界盡量唔好分得太清楚,唔係顯得有啲老土,似尼種隨性嘅分界更加分~配襯冬天嘅樽領衫尤其適合!

Ckayi

如有任何問題, 請給我們發送訊息