25+女生保持「青春常駐」3大要點

人哋成日話女仔嘅青春短暫如花季,燦爛嘅日子稍瞬即逝,但真正可怕嘅並唔係年齡日漸增長,畢竟尼個係人生定律,無辦法改變,「未老先衰」反而係女仔最在意嘅事!明明仍係二十多歲嘅年輕少女,但係生理狀況就差得比真實年齡老10歲~或者大家係生活細節上都忽略左以下幾個保持「青春常駐」嘅要點!☝️唔好長時間用電子產品皮膚係最容易反映身體狀況嘅地方,有時只係短暫嘅睡眠不足就已經好容易令皮膚缺水浮腫,粗大嘅毛孔瞬間現形,感覺變得憔悴不堪,尼啲全因睡眠質素欠佳所致~而長時間用電子產品,特別係訓前30分鐘階段,更係加速皮膚衰老嘅元兇之一!夜晚係皮膚修復嘅黃金時間,身體本應分泌出抗氧化劑褪黑激素促進皮膚嘅新陳代謝,並且進行自我修復,但係電子產品熒光幕釋出嘅藍光先會打亂生理時鐘,從而令褪黑激素分泌減少,抑制左皮膚再生過程~皮膚長久曝露於藍光下,肌膚衰老嘅速度就會快5倍!因此訓前30分鐘至1小時,千其唔好再攞住手機滑過唔停,平日更應該減少用電子產品嘅時間,咁樣係為左你嘅肌膚狀態著想!✌️唔好過度節食減肥對於女仔來講,樣貌同身材都係同等重要,有時為左維持苗條身段,更會節食減肥,務求時刻以最完美嘅狀態示人,但係唔好俾舉動影響身體機能正常運作,反而得不嘗失,加速衰老!不少女仔都以為減肥瘦身就要徹底戒除碳水化合物同肉類,其實絕對係一個錯誤嘅想法,因為瘦身嘅重點在於平衡熱量吸收同消耗,節食一環著重吸收均衡營養,但就係減少至適當份量~身體營養不足,就會減慢新陳代謝率,從而影響身體器官同細胞嘅運作,抗氧化功能下降,就會影響皮膚彈性同光澤,更易顯老!🤟攝取「補腦」食物啱啱提到嘅2點都係引致大家提早衰老嘅不良生活習慣,而要真正做到「青春常駐」,保持年輕活力光采,就要從根本出發,改善掌控身體嘅大腦健康~唔提唔知道我哋嘅身體細胞之所以能夠正常運作,全賴一種名為諾加因子(NAD+)嘅能量製造因子,但係隨著年齡增長,NAD+水平就會日漸下降,引致衰老問題,例如出現皺紋、肌肉鬆弛等徵狀,到時再多嘅護膚品或化妝品都補救唔到!因此我們平日就要多攝取「補腦」食物,如核桃、三文魚、雞蛋、牛奶等,當然如果想更針對性提高諾加因子(NAD+)嘅水平同準確拿捏攝取份量,市面上亦有相應的保健品提供

Ckayi

愛情長跑的5個密訣

交往耐左,少左戀愛初期嘅激情,生活只淨底老夫老妻嘅日常,好多女仔對於尼種戀愛感漸漸淡化嘅感覺會好焦慮,畢竟每個少女都有公主同王子嘅美好想象☝️再忙都有保持「約會」嘅習慣其實約會唔一定要睇電影食大餐,一齊散個步、放工一齊返屋企、一齊做運動、視訊都係維持良好相處嘅小密訣,「約會」可以建立互相依賴、團結、信任嘅感覺!✌️培養共同興趣情侶拍拖耐左,各自忙住做嘢,除左做嘢上嘅抱怨似乎再冇其他嘅話題,咁先擁有共同嘅興趣先可以創造共同嘅話題,例如一齊規劃旅行、養寵物…都可以帶嚟好多甜蜜嘅生活情趣。🤟唔好以為自己嘅一切伴侶都知道唔好總係抱怨另一半都唔知妳係到諗咩或覺得「佢都唔明我」,每個人都有自己嘅想法,如果唔講出嚟,對方可能永遠都唔知道,覺得有唔滿意或唔開心嘅地方,就必須要勇敢提出嚟溝通,感情先可持久喔!✌️✌️抱著「絕對唔輕易結束尼段感情」嘅想法想維持長久嘅感情,就必需有「絕唔輕易結束尼段感情」嘅想法,遇到問題,先試下搵解決方法,而唔係將「分手」掛係嘴邊,只要有共視,會發現任何問題都有解方的。✋尊重對方嘅想法、體貼對方每個人都係唔同嘅個體,想法絕對唔可能一樣,妳嘅浪漫唔一定係伴侶嘅浪漫,唔好總係覺得對方不明自己。尊重對方嘅想法、適時體貼對方,係每個人都應該盡嘅責任!

Ckayi

如有任何問題, 請給我們發送訊息