減肥必食「這個」

張鈞甯日前擔當左謝霆鋒嘅節目《鋒味》嘅嘉賓,播出之後兩人除左係節目入面大食台北美食之外,第一次合作嘅佢哋都互相展現出俏皮打鬧嘅一面。同樣中意運動嘅二人傾起減肥keep fit嘅時候,女神張鈞甯公開透露減肥必食「這個」,好多女仔減肥都會戒嘅食物,張鈞甯竟然強調一定要食,就連謝霆鋒都嚇親,快啲睇下係咩原因啦!謝霆鋒主持嘅美食節目《鋒味》,經常會到世界各地品嚐特色美食,最新一集嚟到台北,就由台灣女神張鈞甯擔任地主!二人係節目入面行過傳統嘅台灣街市、又食火鍋、食左唔同具台灣特色嘅美食,令網民睇完都想飛一轉台灣~二人雖然係第一次合作,但佢哋係節目入面嘅互動都令觀眾印象深刻,張鈞甯甚至敢大膽捉弄謝霆鋒呢!謝霆鋒係圈內嘅「大廚」,而張鈞甯就係熱愛運動、冒險嘅運動達人,同時都中意美食,佢哋當然唔少得會傾起關於運動同飲食嘅話題。謝霆鋒表示減肥最重要係「七分靠少吃、三分靠運動」,而擁有好身材嘅張鈞甯就認為,只要有維持良好嘅運動習慣,其實根本唔洗刻意節食,但係可以將肉類等蛋白質嘅比例增高、澱粉類降低。而減肥嘅時候其中一個大重點係切記「澱粉一定要食」!尼句話一出已經令謝霆鋒嚇到眼突,因為相信唔少正係到減肥嘅女仔都會戒澱粉,謝霆鋒也指:「第一次聽到運動達人話澱粉一定要食!」好多人都認為澱粉同油脂就係致肥嘅根源,所以係減肥期間會完全唔掂尼兩樣嘢,但原來因為澱粉係人體能量嘅來源,完全唔食嘅話好容易導致血糖過低,再加上搭配較激烈嘅運動,對身體反而更傷。而想減肥嘅女仔們,食澱粉都建議改食「好嘅澱粉」,例如蕃薯、五穀雜糧等高纖維嘅澱粉,就可以食得有營養又避免變肥。至於油脂係維持頭髮同皮膚健康嘅一大重點,減肥期間可以少攝取,或選擇橄欖油等好油,先可以瘦得健康啊!

Ckayi

唱K都可以瘦身!

相信大部分人都中意唱歌,亦會中意約三五知己到K房唱K,原來尼個消閒活動會係不知不覺間為你瘦身呢~之前就有日本研究證實「平均唱一首歌就可以消耗相等於跑一百米嘅熱量」,換言之,以後唔洗辛苦跑步,多唱幾首歌,就已經有明顯脂肪下降啦!之前日本福田醫院就曾經做過實驗,邀請左3位女仔,每人唱5首歌,唱完之後發現3人嘅脂肪值都下降左,其中兩人更下降左一半有多,更顯示出唱一首歌嘅氧氣消耗量相當於跑100米所消耗嘅氧氣,證實唱歌的確可以降低中性脂肪!福田院長亦提醒大家唱歌唔係用喉嚨大喊大叫,咁樣做唔單止達唔到瘦身效果,仲可能會損及到喉嚨,唔單止唔可以燃燒脂肪,仲可能會有反效果。唱歌時想瘦,就要企係到唱,配合腹式呼吸法,令腹部肌肉都可以一一運用到,以幫助燃燒脂肪,同時有助促進新陳代謝,所以全程企係到都好考腿力~唱歌除左可以燃燒脂肪,仲可以對身體有好多好處,有助增加免疫力!美國加州大學一項研究發現,每次唱詩班排練後,成員們體內一種名為IgA嘅免疫球蛋白含量增加左150%,到左公開演出之後,含量更會增至240%!因為唱歌可以為你好好減壓,如果對自己做嘅事感覺良好,進而免疫系統都會增強!唱歌同時會改善便秘,因為唱歌時利用嘅腹式呼吸,可以鍛鍊腹肌,同時刺激大腸蠕動,令你大便時都會暢通呢平日中意按摩嘅朋友,都可以改多唱歌~因為唱歌時就好似有節奏嘅體內按摩,佢可以沖開人體橫膈膜,係內部為你做循環按摩!唱偏低音嘅歌曲可以令血壓安定;唱快節奏歌曲可以令身心愉悅;而拉長音嘅歌曲就可以消除壓力!睇嚟唱歌真係好處多多,以後冇事做不如就約朋友多唱歌啦!

Ckayi

暗瘡肌注意!

荷里活氣質女星Natalie Portman雖然已經36歲,更誕下了2位女兒,但她的身材和皮膚依舊像個少女般,就算被傳媒拍到她素顏的一面也是擁有一臉光滑美肌。原來她年輕時也有過爆痘的時期,後來戒口不再食2種食物後,就回復美肌遠離暗瘡困擾!相信暗痘肌的女生一聽到有針對暗瘡問題的護膚產品新推出時,就想立即掏錢買來一試效果,結果花了一筆又一筆的錢後,暗瘡問題仍然未有改善,而Natalie就沒有花過大錢買貴價的護膚品解決痘痘問題,反而從飲食入手!這張Natalie在年輕時拍攝的照片中可以在額頭位置發現有少許暗瘡的痕跡,原本已經是素食者的Natalie發現當她戒掉了奶製品和雞蛋這2種食物後,痘痘肌問題就迎刃而解,也從此不再受暗瘡問題困擾。就連不少女生大愛的芝士和牛奶她全都不吃,Natalie指發現戒掉這兩種食物後,她的皮膚有效地改善,但每個人都會有不同的敏感性食物,因此有人就算瘋狂吃奶製品和雞蛋都不會對肌膚有影響。通常突然變暗瘡肌的女生都是以為自己壓力過大或荷爾蒙失調,但Natalie的說法其實是有數據支持,長痘痘的確可能是因為對某些食物呈過敏反應,而當中以雞蛋及奶製品最多,各佔了23%和19%。此外,暗瘡問題困擾者對雞蛋和奶製品過敏的比例更高達80%。除了這兩種食物外,她連高糖份食物、朱古力和甜品都一樣不吃,其實食物裡的天然糖份是不會影響皮膚狀況,但加工過的糖類製品,例如西式糕點、甜品、朱古力等,越甜的食物就越容易引致暗瘡。在美國也有研究指出,許多人對巧克力、小麥、橙有過敏反應,這些常見又普遍的食物都是在敏感食物中佔高比例,因此想真正有效解決自己的皮膚問題的話,就要先對自己的身體的肌膚好好了解,才可對症下藥。除了針對性戒口外,Natelie指臉部肌膚要適時地休息,因為工作關係,她很多時候已經需要化妝示人,因此可以的話她都會選擇素顏,讓肌膚可以好好休息外,也令皮膚保留更佳的狀態~

Ckayi

保養秘訣靠這招~

《比悲傷更悲傷的故事》女主角陳意涵目前挺着8月大肚,臨盆在即的她最近還出席電影慶功宴,活動上依舊相當靈活,還跟劉以豪互動激動得被笑:「小心即場生B」。日前更Post出了2018最後一跑的照片,自曝孕期只胖了3公斤,堪稱「地表最狂孕婦」,當了媽媽一樣嫩的她,狀態仍如少女的保養秘訣原來靠這招!今年8月宣佈和導演男友許富翔結婚的陳意涵,目前懷孕已經8個月,但是整個孕期她不改好動本性,照舊上山下海沒停過,就連身邊的好友修傑楷、張鈞甯都多次表示非常擔心她的好動。相當精靈的陳意涵,最近因為主演電影《比悲傷更悲傷的故事》在全台票房也已賣破2.2億,成為今年最賣座國片,她也驚喜出現在慶功宴現場,她也笑說自己根本是假懷孕,孕期只胖了3公斤。陳意涵並沒有刻意戒口和節食,所有功勞都是在她愛做運動,不但沒停過愛跑步的習慣,還挺着大肚去游水。大肚期間雖然愛吃就吃,四肢也都沒有變胖,依然纖細的宛如少女一樣呢~日前年末之際,她也post出了最新照片,是她跑了五公里的大肚運動照,並寫到:「跟兒子合作無間,跑得很順,下午把他的衣服先洗了一遍,忍不住望着衣服發獃了好久,多了一個人了,真好。」言語中充滿初為人母的期待與喜悅。她也在報備表示有好好監控自己的心跳,不會讓自己太喘,更透露孕期只胖了3公斤,因為自己活動量大,熱量消耗多。除了身材的保養外,陳意涵的膚況一樣嫩如少女,半日不工作就不常化妝的她,根本就沒太大的分別啊~陳意涵曾在受訪時表示,自己最大的保養秘訣就是一年四季都用冷水洗臉,為了減少洗臉過程中產生的摩擦、引起皺紋的機會,陳意涵不管再冷,都會用潑冷水的方式洗臉。而洗臉產品也一定選擇泡沫綿密,同樣是為肌膚減少摩擦,又可達到高度清潔的溫柔呵護,所以即將當媽媽的她,看起來依舊擁有少女般的滑嫩肌膚,可說是看不出年紀的凍齡美人啊~

Ckayi

足足減掉17kg!

現時37歲嘅宋慧喬(喬妹),最近推出左最新嘅韓劇《男朋友》,同細自己12年嘅男演員朴寶劍合作,雖然兩人飾演情侶,但係企埋一齊竟然毫無違和感,喬妹就好似食左防腐劑一樣,毫不顯老!咁就全靠喬妹多年來嘅瘦身保養,由出道時擁有嘅肉肉面同微胖身形,到宜家練成左纖瘦均勻身材,叫人羨慕,原來喬妹全靠夜晚食豆腐減肥,最終成功甩走17公斤,嚟睇下喬妹尼套減肥攻略啦!#夜晚淨係食豆腐之前喬妹就表示自己真正瘦落嚟嘅秘訣係來自於食豆腐,佢表示早午餐會按正常份量進食,但就會盡量避免進食熱量高嘅食物,唔食煎炸食物,到左晚餐時份,就淨係食豆腐!而且都會規定盡可能三餐維持固定時間飲食,每次淨係會食到8分飽,到左6點後就唔再食任何嘢!#每日飲檸檬水喬妹深知「女人係水做」嘅道理,平日都會盡量飲大量嘅水,而且都特別中意飲檸檬水,咁唔單止有助清潔腸道,促進消化系統活動,有助排出體內毒素,防止便秘,自己就唔會有小腹突出嘅問題啦!當然排毒美顏嘅同時,亦可以加速新陳代謝,對瘦身都有一定嘅幫助!#平日會多走路喬妹之前就係MBC 綜藝節目《Section TV 演藝通信》中提及平日中意走多啲路,不時會帶愛犬散步,每次去完國外拍攝,因為都要走好多路,回國後總會發現瘦左一啲,所以相信多走路都係有助瘦身嘅!#堅決唔掂零食喬妹對食物嘅質量係好有要求嘅,之前就曾經堅持戒零食同加工食品,當肚餓嘅時候,會以水果或者係一啲高纖低熱量嘅小食嚟代替,有飽足感之餘,食多左都唔會有罪惡感!

Ckayi

日本女生瘋狂回購用空瓶!

無印良品一直深受女仔們嘅愛戴,簡約又實用嘅產品設計配上親民合理嘅價錢,而且貨物種種繁多衣食住行都兼顧到,每次經過都忍唔住逛一逛!最近日本網友整理出2018年最熱賣嘅人氣保養彩妝品Top6,日本女仔都係無限回購呢〜想知邊啲係必買好物,就一定要睇下啦!No.6 敏感肌泡沫洗面乳無印良品嘅保養品簡直係敏感肌女仔嘅救星,性質溫和都冇添加酒精,絕對用得放心!而尼罐泡沫洗顏慕絲但係日本女仔嘅新歡,擠出來嘅泡沫非常綿密細緻,洗完面清爽又舒適,完全唔會覺得乾澀,就算係敏感肌同超級乾肌都可以用啊〜No.5 敏感肌化妝水(滋潤型)尼款都係經常上榜嘅好物!採用日本岩手縣釜石天然水製成,低刺激性,為乾燥嘅敏感性肌膚帶來水嫩滋潤,拍係肌膚上保濕又唔會太黏膩,係乾燥嘅秋冬用就最適合啦!好多網友都分享尼瓶化妝水嘅空瓶照片,而且CP值超高啊〜每次用多多都唔心痛!No.4 原色雙層化妝棉尼款化妝棉都係小資女嘅恩物!一大包裡面有180片,揀纖維較長、無漂白嘅棉花,觸感非常柔軟〜每一片厚度仲可以撕成兩到三片,用來濕敷或係拍化妝水都超級服貼,難怪用過嘅都大讚啊!No.3 指甲油#透明紅尼款血色感指甲油櫻花妹都大愛啊!暗紅嘅色調性感又迷人,擦係手上就同血色腮紅一樣可以製造自然嘅紅暈,有啲透明透明嘅質地仲可以塗出漸層美甲呢〜去年最熱賣嘅時候架上仲一度缺貨,宜家IG都Keep住洗版,就知道多讚啦!No.2 溫和卸粧凝露又係一個空瓶好物!尼個溫和卸粧凝露係小紅書已經被網友們瘋狂推爆,只因佢質地清爽,卸粧力就係妥妥的,最重係用後皮膚唔會有緊繃感,反而可以鎖住肌膚基層嘅水份,令面部肌膚好好咁深呼吸,加上佛心嘅價格,非買不可!No.1 溫和洗面乳年度熱賣產品第一名就係溫和洗面乳啦!溫和唔刺激嘅配方加上高保濕力,敏感肌女仔都可以安心使用,洗後真係一啲都唔乾澀,又可以感受到肌膚被深層清潔嘅感覺,難怪會榮登年度人氣王嘅寶座啊!

Ckayi

有纖腰的都是好老婆?

自古以來,女生的腰部線條也是身材上一個很重要的考量!女生的腰圍愈纖細,身材比例看起來也會比較好啊~可是原來腰圍還有其他象徵?你現在的銀行戶口裡面存了多少錢啦?我們年輕人常常說都存不了錢,除了是因為現今的生活指數和物價都愈來愈高之外,原來還跟我們女生很重視的腰圍有關係?!想不到現在有研究指出,女生愈懂得存錢,腰圍就愈幼!難怪姐久久也存不了錢啊......外國就有研究顯示,擁有較粗腰圍的人和較幼腰圍的人相比,相對上理財和存錢的能力亦較弱,研究由英國紐卡素大學從 15,591 名英國人的數據中分析出這個結論。分別從他們的儲蓄、收入、婚姻狀況和 BMI 作出分析,而研究發現懂得存錢、理財較好的女士比不懂的女士,腰圍平均瘦 1.18 吋!而在男生上也發現同樣的趨勢,只不過女生的結果更加明顯!負責該項研究的 Heather Brown 博士指出,有這個現象的出現是因為喜歡存錢的女生對生活更有計劃、更有要求。相比起不愛存錢的女生,她們更著重各種生活上的平衡,也願意花時間在一些未必能即時看到回報或成效的活動,例如運動、健康飲食等。相反不擅長存錢的女生,她們比較著重的是霎時的享樂,所以這一點也讓她們比較容易受到食物和其他生活上的誘惑,也沒有那麼著重自己的體重和身型。研究也都發現,人們選擇如何利用自己的時間,也是一個導致腰圍變粗、變胖的主要原因!比方說,一個目光長遠的人會選擇多讀書增值自己,可是一個短視的人則會著重即時的享樂而捨棄將來的回報。這個比喻正正解釋了為甚麼有理財計劃的女生,比起不擅於理財的女生,不但生活更健康,身型也都更健美!各位常常都抱怨說儲不到錢的女生,就由自己的腰圍開始管起吧!(加油!!!)

Ckayi

離婚不代表世界末日!

楊冪與劉愷威於聖誕佳節前正式宣佈簽紙離婚,為短短4年多婚姻劃下句點。兩人結婚前相戀僅僅1年半,就於2014年1月係香港登記結婚,5個月後火速誕下一個女兒「小糯米」!兩人係婚後多次被傳貌合神離、男方出軌嘅傳聞,不過楊冪都從來冇對外流露過一絲脆弱,更非常專注發展自己嘅事業,被網民封為新一代霸氣女王!唔少女人面對離婚尼個課題都顯得無力徬徨,不過楊冪就以一副女王姿態回歸單身,話俾大家女人一個人都可以活得精彩!#「我肯定不是玻璃心,我應該是鑽石心,你可以看到我的想法,但是你打不碎我。」面對酸民嘅流言蜚語同攻擊,一直撐住楊冪嘅或者就係佢那顆堅硬嘅鑽石心!係大家眼中佢或者就係個婚胭失敗嘅女人,不過對於大家點諗佢,佢根本一啲都唔在乎。#「有本事就殺了我,殺不死,就等著看我變得更強大吧!」大抵楊冪已經看透左尼個道理:最後可以毀左自己嘅,或者只有自己嘅想法,而唔係人哋。#「得不到的就不重要,是看清自己,勇於得到,同時,也拒絕內耗,勇於放下。」我敢俾就敢心碎!得唔到嘅何苦苦苦纏繞?睇清對方,都同時睇清咩先係對自己最重要嘅。#「不是我的,我不會要。在眼前的,一定要做好。」幾多女仔為左留住一個唔屬於自己嘅人而喪失左自我?尼回頭睇值唔值得,恐怕只有自己先知道。#「當你發現自己一個人解釋半天沒有人信,那就別浪費時間了,我也挺忙的,你也挺忙的。我知道自己在做什麼就行了,有些人不用交代。」作為一個公眾人物,都唔代表凡事都要向人交代。只有自己知道自己係到做咩唔係就足夠啦咩?#「不會哭,有時間哭還不去睡覺,已經沒覺睡了,還哭。」有一日,你或者就會發現,以前個啲係半夜流下嘅眼淚,都係令你成長嘅代價。#「只要我人還活著,還站在這,我還有呼吸,就一定會進步。」失婚又如何?只要你一日仲活著,你仲係會有無數嘅可能性。#「人生是可以設計的,生涯是可以規劃的,幸福是可以準備的,你現在就可以開始做這些事情。」你,準備好迎接自己嘅幸福未?#「我不是鈔票,做不到人人喜歡。更何況還有人連鈔票都不喜歡。」何必為左討好人哋而改變自己?永遠都有睇你唔順眼嘅人係到!#「我不缺你一個人喜歡。但若你喜歡,那你還挺有品味的。」超霸氣嘅一句!我唔缺你一個人中意!#「心的幸福才是真的幸福。別為一意孤行的愛情浪費美好的青春,它很有可能傷害你與朋友以及家人的關係。」果敢地諗清楚咩先係屬於你自己真正嘅幸福啦!過程中你可能會受到傷害,都可能會不自覺咁令身邊嘅人受傷,但尼個就係個過程!

Ckayi

如有任何問題, 請給我們發送訊息