BeauBee
BeauBee
呢幾款我都係睇咗個台灣嘅YouTuber介紹所以買嚟試用嘅。
敏感肌卸妝油 $95@200ml
我本來係用開Banilla.co卸妝膏，因為用哂就諗住試下其他野。Muji 呢款質地較厚比較杰身，有少少難推，聞落好似橄欖油(你知我唔太好橄欖油架啦，覺得好似煮食油啊嘛= =) 如果淨係搽咗防曬，再用佢落妝我覺得ok既；但如果係化妝再用佢嚟卸，我覺得至少要卸2次，卸完抹面係冇乜殘妝嘅，但又唔會有個種好清爽好乾淨嘅感覺，我諗我唔會回購了。
敏感肌爽膚水(高保濕) $70@200ml
佢有三款嘅，清爽、保濕同高保濕。質地非常水，上臉對於向來鍾意清爽嘅我嚟講有少少黏笠，用完再上精華，係有少少笠上加笠，不過最近屋企長期開冷氣，第二朝瞓醒係ok嘅，我諗冬天都會啱用。但如果俾我揀我又唔會回購，我地呢啲做咗媽媽又踏入中女嘅年紀，好似揀返啲有營養啲嘅化妝水好啲。
原色化妝棉 $22@180
佢有2款，一款係純白色望落好搶眼嘅，因為漂白咗；另一款就係呢個原色款，比我揀我當然就揀咗純天然嘅原色。一攞出嚟好厚身，見到中間一層層嘅棉花，心諗，吸哂我啲化妝水咪好嘥@.@，的確，真係好吸化妝水，所以啲人教係將佢搣開一塊塊嚟濕敷，至少可以搣到5塊，敷哂成塊面冇問題，都係一張化妝棉咋！成包22蚊180塊咁襟用，真係推推推！
最新美容日記
THE LATEST BEAUTY DIARY
Annielittlecake ? 
OmerRiley 
Kay❤ 
