泰國曬唔黑之謎!?!
2019-06-29    by 雲妮小姐
去完泰國四日,平均溫度39度!返黎公司~同事最多既反應係:下?點解你冇黑過既?
心中暗爽既同時,我當然知道背後我付出過既努力~不過咁我都唔係咁自私既!等我無私咁分享下啦😎

首先你必須有足夠既行李寄倉重量🤪
之後就分享5樣法寶!

1)SAMPAR 面部防曬
呢一支防曬係屬於物理性礦物防曬,唔會阻塞毛孔!質地好清爽!唔笠!佢唧出嚟嘅顏色係白色嘅,我當佢係妝前霜咁用~佢仲有一陣陣玫瑰花味🌹太治癒了

2)skin peace 防曬防蚊噴霧
由於呢排泰國登革熱問題好嚴重,除咗蚊貼同埋蚊怕水之外我仲準備咗呢一支可以防曬有防蚊嘅噴霧😎雖然佢冇涼浸浸嘅感覺,但係佢真係有一種檸檬草嘅味道!出街帶呢支就搞掂!然後全程我都冇俾蚊咬喎~但係留意番唔好用嚟噴面!

3)Ampleur VC 防曬噴霧
呢一支就可以用嚟噴落塊面到啦🤪呢個牌子嘅美白產品都好出名㗎😏萬寧都買到!佢有好重嘅維他命C味道!佢入邊有三重維C🤩除咗美白仲可以減淡色素!仲有透明質酸所以有埋保濕功能!其實呢一支已經係我用緊嘅第四支啦🙌🏻就算係香港,我每日出門口之前都會噴嘅!

4) Kiehl’s 美白面膜
每一次去泰國我都會用唔同嘅美白面膜~今次都唔例外👀呢個面膜嘅剪裁都叫貼面,精華份量都好足夠嘅!我覺得敷完呢個面膜都有亮白嘅感覺🤤當然唔係只可以靠面膜啦,精華都好緊要嘅!

5) Derma Medream 美白精華
呢支野之前響網上面都做好多宣傳~不過我真身用過又覺得真係幾好用😬最緊要係佢個包裝好似好新鮮咁,佢個份量又可以足夠我去一次旅行用!所以基本上每次去旅行我都帶佢去~用完就掉唔使拎返嚟!如果你同我一樣平時係唔會用美白精華~只係去旅行嗰陣時驚曬黑嘅話,你都可以考慮下🤔

法寶我就分享晒啦,但其實我個人平時都好少食一啲會令自己變黑嘅嘢😬我好鍾意食魚、雞肉、蛋、豆腐、一切白色嘅嘢……可能因為咁樣我比平常人難啲曬黑㗎😎為咗靚你可以去到幾盡?

#samparhk #ampleurhk #美白 #防曬 #用後感 #skincare #review #同太陽玩遊戲



最新美容日記

THE LATEST BEAUTY DIARY


© 2019 BEAUBEE Creative Agency @ Love Beauty Limited