Biore 深層潔淨卸妝水吉瓶分享😎
2019-06-08    by 雲妮小姐
護膚品同化妝品比你揀,你會覺得邊一樣重要D?
我覺得只要皮膚好,就算唔用一線牌子既化妝品都可以化到一個回頭率100%既妝😎相反,如果你皮膚比較差,就算俾你用幾貴嘅化妝品都遮唔到你面上嘅瑕疵!所以護膚對我黎講是極度重要😏

廣告都有講,卸妝係好緊要既~如果卸妝唔乾淨,毛孔就會被殘餘既化妝品塞住哂!咁就會好易生粒粒架啦!

由於我都係比較易生暗粒,所以我返屋企係會用卸妝油卸眼妝、卸妝Gel卸妝、洗面奶、潔膚水🤪先叫做卸完妝洗完面!真係唔可以懶~

呢枝卸妝水我就用左三個月左右👀 先講包裝:佢唧唧咀都好方便既,但都易唧得太多!至於潔淨力方面~我覺得佢唔夠力落眼妝,只可以夠落下防曬果D😬 即係如果你想一step用呢枝野落妝係唔得既⋯但平時如果響屋企發現油面既時候用佢抹返兩野感覺都唔錯!同埋佢都唔算乾~

不過潔面水坊間太多選擇啦~而如果你係學生唔太多budget買洗面產品/好少化妝既都可以考慮購入~佢事實係抵既😚



最新美容日記

THE LATEST BEAUTY DIARY


© 2019 BEAUBEE Creative Agency @ Love Beauty Limited