BeauBee
BeauBee
隨住年紀既增長，係美容儀器上用既錢都越來越多。
真係想每一個功能既儀器都買番屋企，好似個個the beautools 我媽咪就好鐘意，所以就比佢啦。（下次先分享呢個，呢篇先分享新玩具）
自己好似都真係無咩所謂，點知幾個月無用塊臉就越變越大。五月份仲要參加婚禮，咁既大餅臉點見人？
我睇到最近又出左新款，所以就諗住先帶佢番屋企啦。
原本個個係白色，今次呢個係黑色，價格仲貴左，但佢既探頭係24K金‼️‼️感覺好貴婦哈哈。
因為佢有EMS微電流同LED紅光，所以對皮膚既提拉、新陳代謝排毒都有好明顯既效果。我媽用左2個月感覺眼角都提埋。
首先講一講，再好既儀器、再好既手法同產品都需要時間去驗證，所以用美容儀器真係要好有耐心，起碼要用一個月先會睇到好明顯既效果，三天打魚兩天曬網肯定唔得。
【個人情況】：我塊臉真係超級無敵大！同PIZZA一樣。除左下顎骨本身就突出，有咬肌之外仲有肉，所以問題都幾大的。
我唔係想塊臉一下子變成瓜子臉，只要係夏天之前提拉小小上去我就好開心啦。
分享一下我既主要步驟：
?洗完臉，敷完面膜就可以做，我一般係敷完面膜撕埋紙之後，先唔洗臉，直接用呢個！因為仲有精華液，部機都要確保臉上有介質先可以，乾臉用可能會有D電呢（唔好問我點知既，因為我試過）
?長按幾秒就會開機，再禁一下就可以揀檔位，TOTAL有三擋。我直接用第三擋的，但建議大家都係二擋起步啦，主要睇自己既耐受程度。
?先由下巴上提拉到太陽穴既位置，呢個動作可以做多幾次
?然後由鼻翼兩側向太陽穴位置提拉，呢一部主要係針對眼角同淚溝個一個區域
?之後額頭都係由眉心到頭頂既位置
?最後一定要記得！由耳後到鎖骨向下按摩，咁先可以令D毒係淋巴排出去。
部機係唔防水既，所以記得用濕巾清潔儀器就OK。
用完塊臉會稍微有D熱熱地，都係正常既，畢竟按摩。我覺得電流感其實不大，好似nuface，就係有D被點一下既感覺，但係呢個就感覺皮膚係高頻運動。
p.s: 大家記得一定要每日堅持使用，同埋少食甜食 ／太鹹既野，咁先可以有小V臉喔。
最新美容日記
THE LATEST BEAUTY DIARY
Annielittlecake ? 
OmerRiley 
Kay❤ 
