韓國製造 蜂毒眼部精華
2019-03-30    by Kathryn F.
話說由我識扮靚開始我已經好討厭我個眼袋+黑眼圈👀,好想諗辦法解決咗佢,之但係有人同我講:大眼嘅人就一定會有眼袋,呢句說話又好似幾有道理喎,GiGi都係咁啦,何須介懷呢❣️慢慢開始我就冇咁介意,不過有邊個唔貪靚呢,所以我都會試盡所有可以改善眼袋👁問題嘅方法。

見到好多媽媽朋友都話韓國🇰🇷製造嘅Mask House Celebrity 🐝蜂毒眼部精華好用,所以我都心郁郁要試下,去旅行都帶埋去。一盒三枝針筒型設計💉嘅蜂毒眼部精華,每一支都有刻上容量,方便我每次半格半格咁用,而且有針筒蓋掩,防止精華接觸空氣,方便又衛生,而且可以保持精華質素及功效。

質地呈凝膠狀,爽爽地唔會有黏立感,搽喺眼仔位置已經覺得即時保濕咗💦,所以我都keep住用咗一盒喇。用後覺得眼周圍👁係比以前冇咁乾,同埋好似冇咁腫。眼仔有冇即時精靈咗我就唔敢講,但係保濕咗💧,眼紋都會少d啦!而且價錢唔算貴,萬寧又有得賣,如果好似我咁有眼袋,黑眼圈及眼紋問題,不妨可以試吓啊❣️



最新美容日記

THE LATEST BEAUTY DIARY


© 2018 BEAUBEE Creative Agency