BeauBee
BeauBee
每次約會都總係將衣櫃裡面嘅衫通通倒出嚟試左又試、將化妝品通通哂冷，淨係為左俾心目中最重視嘅嗰個佢一個完美嘅印象？如果想徹底心儀男仔嘅心，就一定要將小心機花係對嘅地方！就唔好以為女神就唔洗耍小心機，尼次兩位女神級閨蜜阿SA、超蓮就大膽咁同大家分享自己約會時嘅日常小心機，大家都快啲偷偷師啦！
#約會妝容篇！
1/ 轉換唇色保持新鮮感！
令男仔為你傾倒嘅秘密唔外乎「新鮮感」三個字！除左可以係平常嘅穿搭造型上花啲心思之外，係妝容小細節上嚟啲轉變就係個簡單之餘又可以令人眼前一亮嘅選擇！到唔同場合約會總唔可以隨時帶備衣服、飾物更換，尼個時候轉換唇色就係一個Best Choice！
2/ 塗紅唇也要有小心機！
作為最貼地千金嘅超蓮又有咩小心機應戰？超蓮就覺得大多數男仔其實都偏好自然妝感，濃妝豔抹反而會予人一種距離感！不過又想以帶有獨特性感魅力嘅紅唇去約會？以簡約嘅黑白灰色系服飾搭配，唔單止會令紅唇變得低調自然之餘亦可以更襯托出嫵媚氣質！
#約會穿搭篇！
3/ 用「心」出發，做自己最重要！
好多女仔因為想俾人亮眼嘅感覺，係約會時好容易會過度打扮，反而予人一種造作感覺。但阿 SA 同超蓮都覺得約會打扮應該以自然為主，因為咁樣反而先可以令對方認識更真實嘅自己啊！
4/ 小跌膊不經意最誘人！
阿SA's PICK：約會時想自在之餘都想耍耍小心機？其實都唔一定要著得好暴露，阿SA就最中意以小跌膊嘅牛仔褸同T恤作搭配，個種扮係唔經意咁小露一下香肩嘅線條，反而先可以令男仔最心癢癢啊！
5/ 運動風也可散發性感魅力！
超蓮's PICK：平時中意休閒運動風嘅女仔，約會都非得要換上唔適合你嘅小洋裝啊！其實只要好好搭配，唔同嘅穿衣風格都可散發出唔同嘅氣質同魅力！超蓮平時就最愛以超大碼衛衣配搭短褲，唔單止健康性感魅力爆棚，自在係穿搭都會令男仔完全無負擔啊！
學識以上唔經意嘅5招，再配合亮眼魅惑嘅百變唇色，尼次一定可以悄悄俘虜佢嘅心！
最新美容日記
THE LATEST BEAUTY DIARY
Annielittlecake ? 
OmerRiley 
Kay❤ 
