BeauBee
BeauBee
一踏入冬天就成日食火鍋、燒肉，不經不覺又變肥左！而冬天同時又令人變得懶洋洋，毫無做運動嘅動力，日本最近流行2個超狂減腰大絕招，經過幾位素人女仔同女藝人親身做實驗，尼2個簡單運動可以1個月瘦腰15cm，尼個驚人嘅效果完全可以打動懶女仔嘅心，從今日起快跟住以下教學一齊救番我哋嘅小蠻腰啦～
日本流行兩個超狂運動只要堅持一個月就可達到驚人嘅瘦腰效果，其中一個參與實驗嘅素人女仔松谷智江嘅腰圍，更係從85.7cm減到70.4cm，整整減走左15.3cm！
第1招係抬腿運動，尼個訓練除左可以瘦小腹外，都可同時鍛鍊大腿肌，一舉兩得喔！首先坐二分之一張椅子上，雙腳與膝蓋併攏，雙手放在椅子兩側，抓住椅子嘅邊緣保持平衡。
然後吸氣抬起雙腳至靠近胸口，保持3秒後放下3秒，10次為一組，每日做3組。冇做開運動嘅女仔先唔好將雙腿抬太高，淨係抬離地面3cm左右就可以，等到身體適應左之後再慢慢增加高度，而且注意身體唔可以靠向椅背。
第2招就係大步急步走，可以加上大動作擺手扭腰，加強瘦腰效果。每踏出一步，就比平常多一個腳步寬嘅距離，都比平常快1.5倍嘅步速急步走，連續走10分鐘以上就可以啦～
日北筑波大學研究所指每日坐得太耐會導致腰大肌萎縮同骨盤朝後傾斜等問題，簡單嚟說就係凸腹嘅困擾。同時又指出，肥胖人士平均比標準體重嘅人，一日多坐左2小時44分鐘，證明坐得多就係我們其中一個致胖嘅兇手。
腰大肌嘅主要功能係支持脊椎同維持骨盆，當腰大肌萎縮導致無法支持脊椎時，就會令身型望上去有凸腹問題。同時腰大肌係步行中經常會用到嘅肌肉，都會影響抬腿嘅功能，所以平日每日做尼2個小運動就強化肌肉以預防腰大肌衰退同改善腰間嘅各種困擾！
持續進行以上2個動作一個月後，唔單止係身材會變好，小腹都會明顯咁縮小，日本嘅實驗者更透過MRI檢測腰大肌，發現經過一個月嘅堅持鍛鍊後，腰大肌增加左9.6％。
2招輕鬆打造小蠻腰，就由今日開始做啦～
最新美容日記
THE LATEST BEAUTY DIARY
Annielittlecake ? 
OmerRiley 
Kay❤ 
